Қазақстанның төрт облысында боранға баланысты ескерту жарияланды, — деп хабарлайды Tengrinews.kz тілшісі.
Күндіз 9 қаңтарда Ақмола облысының кей жерлерінде бұрқасын болады. Жел оңтүстік-батыстан секундына 15-20 метр жылдамдықпен соғады.
Қостанай облысының кей жерлерінде бұрқасын, тұман болады. Оңтүстіктен жел секундына 15-20 метр жылдамдықпен соғады.
9 қаңтарда Солтүстік Қазақстан облысының кей жерлерінде тұман түсіп, боран соғады. Оңтүстік-батыстан жел секундына 15-20 метр жылдамдықпен соғады. Петропавлда 9 қаңтарда күндіз боран соғып, оңтүстік-батыстан жел соғады, екпіні секундына 15-20 метр болады.
Бұдан басқа, Өскемен, Риддер қалаларында, сондай-ақ Шығыс Қазақстан облысының Жаңа Бұқтырма кентінде 9 қаңтардың кешіне дейін екінші дәрежелі қолайсыз метеорологиялық жағдай сақталады.
Еске салайық, бұған дейін синоптиктер Қазақстанда демалыс күндері ауа райы жылы болады деп болжаған еді.
