2020 жылдың 8 желтоқсанында Қызылорда облысының Арал ауданында Қамыстыбас ауылынан 35 шақырым жерде Қамбаш көлінде «УАЗ» маркалы автокөлік мұз астына түсіп кеткен. Бұл туралы облыстық төтенше жағдайлар департаментінің баспасөз қызметі хабарлады.
Автокөлік салонында 7 адам болған. Оның 3-еуі көліктен өздері шығып үлгерген. Оқиға орнына жеткен құтқарушылар суға батып кеткен 1985, 1981, 1994, 1973 жылы туған 4 адамды іздестірді. Іздестіру жұмыстары бүгін де жалғасты. 7 метр тереңдікте (мұздың қалыңдығы 25 см) УАЗ автокөлігі табылды. Автокөліктің ішінде қайтыс болған адамдардың денелері бар. Сағат 10.05-те құтқарушылар қаза тапқан 4 адамның мәйітін судан алып шығып, полиция қызметкерлеріне тапсырды.
Гүлбану МАҚАЖАН,
Қызылорда облысы