Қазақстанда «Түркістан-Арена» атты жаңа стадион пайда болды, онда еліміздің Суперкубогы аясында алғашқы ресми ойындар өтіп үлгерді. Vesti.kz тілшісі спорт ғимаратының сырты мен ішкі көрінісі қандай екенін, оның ерекшеліктері мен кемшіліктерін көрсетті, — деп хабарлайды Tengrinews.kz тілшісі.
Репортажда жеті мың орындық стадион тек футболға емес, жеңіл атлетика үшін де салынғаны айтылады. Оның құрылысына 39 миллион доллар жұмсалған.
Стадион туралы толығырақ ақпарат Vesti.kz видеосында айтылады.
Түркістанда нысанның құрылысы 2019 жылдың ақпанында басталған. 2020 жылдың 30 тамызында ол пайдалануға берілді.
2021 жылдың 2 наурызында «Түркістан-Арена» стадионында алғаш рет матч өтті, онда «Шахтер» мен «Астана» Суперкубок финалына таласты.
Биыл стадион Қазақстан чемпионатында өнер көрсету құқығына ие болған «Арыс» футбол клубының үй аренасы болады.
