Маңғыстау облысы аумағында қыркүйек айының 10-15 күндері аралығында «Түнгі тексеріс» жедел-профилактикалық іс-шарасы өтуде. Аталған шара барысында Маңғыстау бойынша Қылмыстық-атқару жүйесі департаментінің пробация қызметкерлері пробация есебінде тұрған қоғамнан оқшаулаумен байланысты емес жазаға сотталғандарды тұрғылықты мекен-жайлары бойынша тексереді.
Шара барысында Түпқараған аудандық пробация қызметкерлері учаскелік полиция инспекторларымен бірлесе отырып, тіркеудегі сотталған тұлғаларды мекен-жайы, аудан тұрғындары демалатын ойын-сауық кешендері бойынша кешкі және түнгі уақыт аралығында рейд жүргізді. Сотталғандар тұрғылықты мекен-жайларынан табылып, оларға құқық бұзушылықтар жасамау бойынша профилактикалық бағытта түсіндірме жұмыстарын жүргізді.
— Бұл іс-шара бас бостандығынан айырумен байланысты емес жазаға сотталған тұлғалардың тарапынан болатын құқық бұзушылықтың, қылмыстың алдын-алу, қайталануын уақтылы анықтау, жолдарын кесу мақсатында өткізілуде. Тексеру барысында есепте тұрған Қызылөзен ауылының тұрғыны үйінде болмағаны анықталды. Оған ескерту беріліп, түсіндірме жұмыстары жүргізілді, — дейді Түпқараған аудандық Пробация қызметі бөлімінің бастығы әділет капитаны Айхайбек Наков.