Ағымдағы жылдың мамыр айында ҚР ІІМ ҚАЖ Департаментінің № 3 түзету мекемесінде ерекше оқиға орын алды — мұндағы сотталған азамат пен азаматша ресми түрде некеге отырды.
Мекеме әкімшілігі тарапынан барлық қажетті құқықтық және ұйымдастырушылық қолдау көрсетілді. Неке АХАЖ органдарының қатысуымен ресми түрде тіркеліп, қылмыстық-атқару жүйесі қызметкерлері куәгер болды.
Бұл – Қазақстан Республикасының Конституциясында және “Неке (ерлі-зайыптылық) және отбасы туралы” заңында бекітілген әр азаматтың отбасын құру құқығын сақтау мақсатында жүзеге асырылып отырған шара.
Мекеме әкімшілігінің айтуынша, мұндай шаралар сотталған азаматтың қоғамға оң көзқарасын қалыптастыруға, әлеуметтік байланыстарын сақтап қалуға ықпал етеді.
