Аты әлемге танылған ұлы тұлға, Оңтүстік Африка Республикасының бұрынғы президенті Нельсон Манделаның туған күні. 2009 жылы Біріккен Ұлттар Ұйымы қарар қабылдап, 18 шілдені «Нельсон Манделаның халықаралық күні» ретінде атап өтуге шешім қабылдаған. Бір ғасырдан астам уақыт бұрын дүниеге келген саяси қайраткердің қайшылыққа толы ғұмыры, бейбітшілік пен бостандыққа қосқан зор үлесі әлем халықтарына өнеге. Халықаралық атаулы күніне орай, Атырау облысы бойынша Қылмыстық-атқару жүйесі департаментіне қарасты №79 мекемесінде жазасын өтеуші сотталған азаматшалар арасында Оңтүстік Африка Республикасының президенті Нельсон Манделаның туған күні атап өтілді.
Жазасын өтеушілерге Нельсон Манделаның өмірбаяны басынан өткен оқиғаларды өмірінде өткізген барлық қиыншылықтарға қалай төтеп бергені туралы автордың өзі жазған кітаптар туындыларынан үзінділер оқылды, Манделаның өмірі, күресі мен түрмедегі өмірі атты ақпараттық стендтер шығарылды сонымен қатар “Бостандық туралы менің ойым” тақырыбында шығармалар мен сурет байқауы өткізілді. 30 жыл қапаста отырған Нельсон Мандела өмір бойына жазасын өтеуші болсада Оңтүстік Африка Республикасының құрметті азаматы және Президенті болып сайланғанын шара арқылы таныдым. Және тәртіпке бағынып құлақ асу арқылы жазамыздың жеңілдеуіне ықпал болатынын түсіндім,-дейді жазасын өтеуші сотталған азаматша.
