«Сыбайлас жемқорлықпен ымырасыз күресу – біздің
саясатымыздағы негізгі басымдықтың бірі»
Қ.Тоқаев.
Тәуелсіз еліміздің дамуына кедергі келтіретін, қоғам дертіне айналған мәселелердің бірі – сыбайлас жемқорлық. Үлкен әлеуметтік қасірет болып табылатын сыбайлас жемқорлық саяси даму тұрғысынан әлемдегі елдердің қай-қайсысын да қатты алаңдатып отыр. Сыбайлас жемқорлыққа қарсы күрес – мемлекеттік саясаттың басым бағыттарының бірі.
Еліміз бүкіл әлемге өзінің біртұтастығымен, ажырамас бірлігімен танылды. Қоғам дамуының жаңа жолын таңдап, уақыттан туындаған әртүрлі кеселдерден айығуды міндет етіп қойды. Ол жол – сыбайлас жемқорлықпен күрес жолы.
Сыбайлас жемқорлықпен күресу – бүгінгі күннің күрделі мәселесі болып отыр. Үлкен әлеуметтік қасірет болып табылатын ол саяси даму тұрғысынан біріне-бірі ұқсамайтын әлемдегі барлық елдерді алаңдатып отыр. Сыбайлас жемқорлықтың зардаптары көп. Атап айтқанда, қоғамның бақытты болашағын тежейді, елдің халықаралық беделіне көлеңке түсіреді, жұршылықтың заң мен әділдікке, билікке даген сеніміне сызат түсіреді. Сыбайлас жемқорлықпен күресу – барлық Қазақстан Республикасы азаматтарының азаматтық борышы және адамгершілік міндеті.
«Сыбайлас жемқорлыққа қарсы күрес туралы» Қазақстан Республикасы Заңы талабының аясында жемқорлыққа қарсы іс-әрекеттер әр салада жүзеге асырылып келеді. Сондықтан кез-келген ортада пара беру мен пара алудың жолын кесуде қоғам болып белсенділік танытуымыз керек. Қазіргі уақытта қоғамға қауір төндіріп, орасан кесел келтіретін осынау келеңсіз әлеуметтік құбылысқа қарсы шаралар қатаң қолға алынып, жұмыстар жүргізілуде.
Қоғаммен бірге өркендеп, етек жайып келе жатқан бұл кеселдің тереңнен құлаш жаймауына өз үлесімізді қосу және оған тосқауыл болу – біздің басты міндетіміз. Сыбайлас жемқорлықпен күрес — баянды болашақтың жарқын кепілі.
Б.Калдыбеков,
Түркістан облысы Әділет департаментінің
әкімшілік бөлімінің іс-қағаздарын жүргізу
жөніндегі инспекторы
