Сыбайлас жемқорлық – қоғамның дамуына кедергі келтіретін ең өзекті әлеуметтік мәселелердің бірі. Ол мемлекеттік басқару жүйесіне, экономикалық тұрақтылыққа және азаматтардың билікке деген сеніміне теріс әсер етеді. Сондықтан сыбайлас жемқорлық көріністерінің алдын алу — тек мемлекеттік органдардың ғана емес, бүкіл қоғамның ортақ міндеті.
Сыбайлас жемқорлықтың алдын алу үшін ең алдымен құқықтық мәдениетті дамыту қажет. Азаматтар өз құқықтары мен міндеттерін білген жағдайда, заң бұзушылықтарға қарсы тұра алады. Мектептен бастап жоғары оқу орындарына дейін адалдық, әділдік, парасаттылық құндылықтарын насихаттау маңызды. Сонымен қатар бұқаралық ақпарат құралдары арқылы сыбайлас жемқорлықтың зияны туралы ақпараттық жұмыстар жүргізу қажет.
Мемлекеттік қызмет саласында ашықтық пен айқындықты қамтамасыз ету де маңызды рөл атқарады. Қазіргі уақытта цифрлық технологияларды енгізу арқылы көптеген мемлекеттік қызметтер онлайн форматқа көшірілуде. Бұл жемқорлық тәуекелдерін азайтуға мүмкіндік береді, себебі азаматтар қызметтерді тікелей және жылдам ала алады.
Қоғамда сыбайлас жемқорлыққа төзбеушілік мәдениетін қалыптастыру қажет. Әрбір азамат заң бұзушылық фактілерін көрген жағдайда оны тиісті органдарға хабарлауға тиіс. Қоғамдық бақылау жүйесінің күшеюі де бұл мәселенің шешіміне ықпал етеді.
Қорытындылай келе, сыбайлас жемқорлықтың алдын алу — қоғамның тұрақты дамуының кепілі. Бұл бағытта мемлекет пен халық бірлесе әрекет еткенде ғана оң нәтижеге қол жеткізуге болады. Әділдік пен адалдық қағидаттарын сақтау — болашақтың жарқын болуына негіз болады.
Ұлытау облысының кәмелетке толмағандардың істер жөніндегі мамандандырылған ауданаралық сотының бас маман сот отырысының хатшысы Қалдыбек Г.Б.
