Сыбайлас жемқорлық – кез келген мемлекеттің дамуына, заң үстемдігіне және азаматтардың мемлекетке деген сеніміне нұқсан келтіретін қауіпті құбылыс. Ол әділеттілік қағидаттарын бұзып қана қоймай, қарапайым халықтың құқықтары мен бостандықтарының шектелуіне әкеледі. Сондықтан сыбайлас жемқорлыққа қарсы күрес – тек мемлекеттік органдардың ғана емес, бүкіл қоғамның ортақ міндеті.
Сыбайлас жемқорлық көбінесе құқықтық сауатсыздық пен немқұрайлылықтан туындайды. Кейбір азаматтар өз құқықтарын толық білмегендіктен немесе «мәселені тез шешу» мақсатында заңсыз әрекеттерге келісіп жатады. Бұл – үлкен қателік. Заңды айналып өту уақытша жеңілдік әкелгенімен, оның салдары ауыр болуы мүмкін.
Бүгінде елімізде сыбайлас жемқорлықтың алдын алу мақсатында бірқатар нақты шаралар жүзеге асырылуда. Қоғамдық бақылау күшейтіліп, азаматтармен өзара қарым-қатынас ашықтық қағидатына негізделуде, сондай-ақ заң бұзушылықтарға «нөлдік төзімділік» қағидаты сақталуда.
Тек бірлесе әрекет еткенде ғана біз әділетті, ашық және заң үстемдігі орнаған қоғам құра аламыз. Сыбайлас жемқорлыққа қарсы күрес – болашақ ұрпақ алдындағы ортақ міндетіміз.
Шымкент қаласының мамандандырылған ауданаралық экономикалық сотының аға сот приставы Б.Сүгір
