Сыбайлас жемқорлыққа қарсы күрес — құқықтық мемлекет құрудың және қоғамның әл-ауқатын арттырудың маңызды шарттарының бірі. Сыбайлас жемқорлық қоғамдық қатынастардың дамуына кері әсерін тигізіп, азаматтардың мемлекеттік институттарға деген сенімін әлсіретеді.
Қазақстан Республикасында сыбайлас жемқорлықтың алдын алу және оның жолын кесу бағытында жүйелі жұмыстар жүргізілуде. Мемлекет тарапынан қабылданып жатқан шаралар мемлекеттік қызметтің ашықтығын қамтамасыз етуге, халыққа көрсетілетін қызметтердің сапасын арттыруға және заң үстемдігін нығайтуға бағытталған.
Сыбайлас жемқорлыққа қарсы мәдениетті қалыптастыруда құқықтық сауаттылықтың маңызы зор. Әрбір азамат өз құқықтары мен міндеттерін біліп, заң талаптарын сақтауы қажет. Қоғамда адалдық, әділдік және жауапкершілік қағидаттарын дәріптеу сыбайлас жемқорлықтың алдын алудың тиімді тетіктерінің бірі болып табылады.
Сот жүйесінде де ашықтық пен жариялылық қағидаттарын қамтамасыз етуге ерекше назар аударылады. Сот төрелігін жүзеге асыру барысында заңдылықты сақтау, азаматтардың құқықтары мен заңды мүдделерін қорғау басты басымдық болып табылады.
Сыбайлас жемқорлыққа қарсы күрес тек уәкілетті органдардың міндеті ғана емес, бүкіл қоғамның ортақ ісі. Әрбір азамат сыбайлас жемқорлыққа мүлдем төзбеушілік танытып, заң талаптарын сақтауға үлес қосқан жағдайда ғана әділетті әрі дамыған қоғам қалыптастыруға болады.
А.Ерболат, Қызылорда қаласының әкімшілік құқық бұзушылықтар жөніндегі мамандандырылған сотының жетекші маманы
