Петропавл қаласының оқу орындарының студенттері арасында жүргізіліп жатқан кәсіптік бағдар беру жұмысы аясында СҚО бойынша ҚАЖД № 66 мекемесінде Солтүстік Қазақстан кәсіптік-педагогикалық колледжі мен М. Қозыбаев атындағы Солтүстік Қазақстан университетінің оқушыларына экскурсия ұйымдастырылды.
Мекеме басшылығы СҚО ПД кәмелетке толмағандар істері жөніндегі инспекторларын тарта отырып, тергеу изоляторының негізгі объектілері бойынша ауқымды таныстыру экскурсиясын өткізді. Экскурсия барысында студенттер арнайы контингентті ұстау шарттарымен, сондай-ақ мекеме қызметкерлерінің қызметтік қызметімен танысты.
Сонымен қатар ҚАЖ органдарына қызметке үміткерлерді тарту бойынша үгіт-насихат жұмыстары жүргізілді. Студенттер қызметке қызығушылық білдіріп, өздерін қызықтырған сұрақтарын қойды. Барлық қатысушылар үшін үміткерлерге қойылатын талаптар, ҚАЖ қызметіне кіру тәртібі мен артықшылықтары туралы ақпарат жеткізілді.
СҚО бойынша ҚАЖД №66 мекемесінің
КСБ бастығы
әділет капитаны
Р. Айсенова
