Сотталғандар арасында қасақана құқық бұзушылықтар мен өз-өзіне қол жұмсау әрекеттерін алдын алу мақсатында «№48 мекеме» РММ-де «Ғажайып әлем», «Менің болашағым», «Босатылғаннан кейінгі өмірім», «Менің отбасым», «Менің мақсаттарым» атты суицидке қарсы тақырыпта шығармашылық акция өткізілді.
Бұл конкурсқа сотталғандар бірнеше күн бойы дайындалды. Акция қатысушыларына сотталғандар арасындағы тәрбие бөлімінің бастығы әділет майоры М.Мурсалимов кіріспе сөз сөйлеп, барлығына сәтті өнер көрсетіп, ұмытылмас жеңістер тіледі.
Байқауға қатысушылар өздерінің таланттары мен шығармашылық қабілеттерін толық көрсетіп, түрлі суреттер, қолдан жасалған бұйымдар, өлеңдер мен әңгімелер дайындады.
Бұл іс-шара өнер көрсету кезінде шиеленіс пен толқу сезімін болдырмау үшін сотталғандарға арналған релаксация бөлмесінде өтті. Сондай-ақ, байқау барысында сотталғандардың орындауындағы музыкалық шығармалар шырқалды.
Демонстрациядан кейін сотталғандардың суреттері мен қолөнерінің жалпы эстетикалық безендірілуін бағалай отырып, комиссия мүшелері үш номинация бойынша жеңімпаздарды анықтады:
- Үздік шығарма, өлең: Қадырбаев А.;
- Үздік қолөнер: Ринг А., Калугин Ю., Михайлов В., Достаев А.;
- Үздік сурет: Шмунг А., Сыздықов Р.
Әділет майоры М. Мурсалимов сотталғандарға конкурсқа белсенді қатысқаны үшін алғыс білдіріп, оларға грамоталар мен алғыс хаттар табыс етті.
СҚО бойынша ҚАЖД
«№48 мекеме» РММ СТжӘПЖБ
аға инспектор-психологі
әділет аға лейтенанты
Ю. Зель
