2025 жылғы 1 қыркүйек пен 1 қараша аралығында Созақ ауданында құқық бұзушылықтардың алдын алу және қоғамдық қауіпсіздікті қамтамасыз ету мақсатында «Учаске» атты жедел-профилактикалық іс-шара өткізілуде.
Іс-шара барысында полиция қызметкерлері аудан тұрғындарымен кездесіп, құқықтық мәдениетті арттыруға бағытталған түсіндіру жұмыстарын жүргізуде. Сонымен қатар, учаскелік инспекторлар өздеріне бекітілген аумақтарда тұрғындардың тұрмыс-тіршілігімен танысып, проблемалық мәселелерді анықтауға және шешуге атсалысуда.
Сонымен бірге, тәртіп сақшылары қоғамдық орындар мен көшелерде рейдтік тексерулер ұйымдастырып, құқық бұзушылықтардың алдын алу мен қоғамдық тәртіптің сақталуын қатаң бақылауға алуда.
Түркістан облысы ПД баспасөз қызметі
