Атырау облысы бойынша қылмыстық атқару жүйесі департаменті #79 мекемесінде сотталғандар арасында тәрбие және әлеуметтік-психологиялық бөлімінің ұйымдастыруымен жасақ аралық сотталған азаматшатлар арасында қолөнер сайысы яғни “Үміт байқауы” өткізілді. Іс-шараның басты мақсаты сотталған азаматшалардың бойларындағы икемділік, қабілеттілік, ізеттілік, инабаттылық қасиеттерін дамыту, өз ойларын еркін жеткізу дағдыларын қалыптастыру болып табылады. Аталған іс-шараны қорытынды бағалау үшін Атырау облысы Қазақстан халқы Ассамблеясының Аналар кеңесінің өкілдері шақырылды.
Сотталған азаматшалар қолдан жасалған бұйымдарының жасалу тәсілін көрсетіп түсіндірді. Әділ қазылар алқасы әділ бағаларымен жеңімпаздарды анықтап, мекеме бастығының бұйрығымен ақшалай сый ақы және байқауға белсенділік танытып қатысқан азаматшаларға алдын ала дайындалған алғыс хаттар табыс етті. Іріктемеден өткен бұйымдар сотталған азаматшалардың келісімімен қалалық деңгейде өтетін қол өнер жәрменкесінде сатылып, түскен қаржы балалар үйіне табысталады.
