Тренингтер белсенді әлеуметтік-психологиялық оқыту әдісі ретінде қазіргі уақытта психологиялық жұмыстың қарқынды дамып келе жатқан түрлерінің бірі болып табылады.
2022 жылдың 28 қазаңында Орал қалалық пробация қызметінің есебінде тұрған тұлғалар үшін «Ғасыр» жастар қоғамдық бірлестігі ұйымдастырған «Менің көңіл күйім» және «Мінез- адамның айнасы» атты психологиялық тренинг өткізілді.
Тренингтің мақсаты мен негізгі міндеті сотталғандардың эмоционалдық күйлерін басқаруды, өзін-өзі тануға және қабылдауға байланысты мәселелерді тиімді шешуге, психоэмоционалды шиеленісті жеңілдету үшін жағдай жасау және жағымды дүниетанымды қалыптастыруға ықпал ету.
Тренинг барысында есепте тұрған тұлғаларға өз болашағын зерделеуге, өзін белгілі бір әлеуметтік рөлде таныстырып, өздерінің өмірлік мақсаттары мен оларға қол жеткізу үшін қажетті жағдайларды анықтау бойынша жұмыс жүргізу ұсынылды.
Орал қалалық Пробация қызметінің есебінде тұрған тұлғалар тренингке белсенді қатысып, өз ойларымен, тілектерімен және болашаққа жоспарларымен бөлісті.
Орал қалалық пробация
қызметінің инспекторы
әділет лейтенанты
А.Максотова
