Алматы облысы және Жетісу облысы бойынша ҚАЖД қарасты Текелі қалалық пробация қызметінің бөлімшесінде, сотталғандарға қатысты электронды бақылау құралдары қолданылуда.
Жақында, сотталғандарға электрондық браслеттерді қолдану барысында, пробация есебіндегі тұрған әйел адамның бас бостандығын шектеу түріндегі жазасы бас бостандығынан айырумен ауыстырылды.
Электрондық бақылау құралдары арқылы, Пробация инспекторларының талаптардың сақталуын қадағалануын біле тұра, сотталған әйел сот белгілеген шектеулерді бірнеше рет бұзды.
Сотпен жүктелген міндеттердің бұзылғандығы анықталғаннан кейін Текелі қаласының пробация қызметі жаза түрін өзгерту туралы мәселені қарау үшін материалды сотқа жіберді.
Пробация қызметінің ұсынысы бойынша Текелі қалалық сотының Қаулысымен бас бостандығын шектеу түріндегі тағайындалған жазаның өтелмеген мерзімі қауіпсіздігі орта қылмыстық-атқару жүйесі мекемесінде бас бостандығынан айыру түріндегі жазамен ауыстырылды.
