Талап қоюшы КММ мемлекеттік сатып алу туралы шарт бойынша жеткізілген тауарды ауыстыруды талап ете отырып өнім беруші ЖШС-не қатысты талаппен сотқа жүгінді.
Талап қою прокуратураның тексеруі бойынша анықталған тауардың техникалық шарттарға сәйкес келмеуне негізделген.
Сотта анықталғандай, келісім аясында КММ жауапкер тіккен киім-кешекті сатып алып, акт бойынша қабылдаған.
Белгіленген мерзімде сатып алушы тауардан бас тартпаған және төленген соманы қайтаруды талап етпеген.
АК-ның 426-бабының 1-тармағына сәйкес, кепілдік мерзімі тауар сатып алушыға берілген кезден бастап есептеледі.
Шарттың 6.3-тармағында кепілдік мерзім тапсырыс берушінің қоймасына тауар түскен күннен бастап 12 ай деп көзделген.
Бүгінгі күні кепілдік уақыты мен келісім-шарт мерзімі аяқталған. Сондықтан тараптардың міндеттемелері тоқтатылды деп есептеледі.
Тапсырыс берушінің тауардың техникалық шарттарға сәйкестігін тексеру сатысындағы әрекетсіздігі өнім берушіні қосымша азаматтық-құқықтық жауапкершілікке тарту үшін негіз бола алмайды.
Сот талап қоюды қанағаттандырудан бас тартты.
Шешім заңды күшіне енді.
Астана қаласының мамандандырылған ауданаралық экономикалық соты
