Жамбыл облысы кәмелетке толмағандардың істері жөніндегі мамандандырылған ауданаралық сотында «Сот актілерінің орындалу барысын анықтау» тақырыбы бойынша «Дөңгелек үстел» өтті.
«Дөңгелек үстелдің» жұмысында сот әкімшісінің басшысы Ж.Шыршықбаев, Тараз қаласы прокуратурасының прокуроры Ү.Мырзаева, Жамбыл облыстық әкімшілік полиция басқармасының басшысы А.Калышев, Тараз қаласы полиция бөлімдерінің аға инспекторлары, Жамбыл облысы бойынша жеке сот орындаушылар өңірлік палата басшысының орынбасары Б.Пралиев қатысты.
«Дөңгелек үстел» барысында сот актілерінің ұзақ орындалмауы, айыппұлдарды өндіріп алу бойынша әкімшілік істерінің сұрақтары талқыланып, сонымен қатар азаматтық істер бойынша сот актілерінің орындалмағаны үшін мемлекеттік бажды мемлекет пайдасына өндіріп алу, қылмыстық істері туралы сот шығындарының мәселелері қозғалды.
Сот әкімшісінің басшысы өз сөзінде сот жүйесінің беделі, азаматтар мен заңды тұлғалардың құқықтары қаншалықты сотпен қорғалғанына ғана тәуелді емес, сондай-ақ сот актілерін уақтылы орындаулына байланысты екендігін, сонымен қатар статистикаға тоқталып, соңғы жылдары орындалмай тұрған және орындауға жататын жалпы сомма жайлы айтып өтті.
«Дөңгелек үстел» соңында қатысушылар бір-бірімен пікір алмасып, сот актілерін орындау бойынша бағыттағы жұмысты күшейту қажеттілігі туралы, сондай-ақ сот тарапынан қатысушыларға орындауға жататын сомма бойынша хаттар жолданып және олар бойынша жедел жұмыстар жасалынатыны жайлы қорытындыға келді.
Өз тілшіміз
