Мәдина Сәдуақасова өзінен кейін сіңлісі жайлы айтып, бала күнгі қызықтарын бөлісті. Әншінің сіңлісі Жәнияны отбасы ұл болса деп күткен екен. Алайда кейіннен Жәния әкесінің ерке қызы болып өскен, деп жазады stan.kz.
«Үйде 3 қызбыз, кенжеміз Нұрсұлтан, Жәниядан кейін 4 жылдан соң туды. Үшінші бала ұл болса екен» деп тілеген әкеміз қыз дегенді естіп үлкен апасына Рая тәтеге апарып, сол кісіге беріңдер қызды“, — деп перзентханаға келмей қойған екен. «Ұл болмай қалды-ау» деп көңілі біраз уақыт кәдімгідей түсіп жүрген. Тіпті, біздің өзіміз «Туу, ұл емес пе?!“ деп қалғанымыз есімізде.
Үйге келген сәтінен, барлығы өзгерді ғой. Әжесінің ең сүйікті тәтті немересіне айналды, папамызға ең қатты ұқсайтын қыз осы Жәния. Кішкентайынан Жәния не айтса, папа үндемей орындайды. Біз кейде әкемізді бірдеңеге көндіре алмай жатсақ, Жәния арқылы жасатып аламыз. Солай. Қыз жақсы ғой, қызы бар үйдің берекесі көп дейді. Ұқсаймыз, ия, Жәния екеуміз?», — деп жазды Сәдуақасова парақшасында.