Талғарда ажал құшқан Шерзат Болатқа қатысты іс бойынша сот басталатын күн белгіленді, — деп хабарлайды Massaget.kz тілшісі.
Алматы облысы сотының баспасөз қызметі мәліметінше, бұл іс бойынша алдын ала тыңдау 10 сәуірде сағат 12:00-де Талдықорған қаласындағы Жетісу облысының қылмыстық істер жөніндегі мамандандырылған ауданаралық сотының ғимаратында өтеді.
Еске салайық, Талғарда 2024 жылы 4 қазанға қараған түні жасөспірім көз жұмды, кейінірек өңірдің Полиция департаменті осы оқиғаға қатысты мәлімдеме жасады. Ал марқұм Шерзаттың отбасы бұл жайтқа қатысы барлардың бәрін ұстап, жазалауды талап етті. Қалаға ІІМ тобы жіберілді.
Фото: Tengrinews.kz
