«Шекарасыз оқу» жобасы аясында сотталғандар арасында тәрбиелік мәні бар іс-шара өткізілді. Іс-шараның негізгі мақсаты – сотталғандардың кітап оқуға деген қызығушылығын арттыру, білімге ұмтылысын қалыптастыру және бос уақыттарын тиімді ұйымдастыру.
Іс-шара барысында қатысушыларға кітап оқудың адам өміріндегі маңызы түсіндіріліп, білім мен рухани дамудың тұлғаның қалыптасуына тигізетін оң әсері туралы әңгіме жүргізілді. Сонымен қатар, сотталғандар өздері оқыған шығармалары бойынша пікірлерімен бөлісіп, қызықты кітаптар туралы ой-пікірлерін ортаға салды.
Осындай тәрбиелік бағыттағы жұмыстар сотталғандардың оң көзқарасын қалыптастыруға, олардың білім деңгейін арттыруға және қоғамға қайта бейімделуіне ықпал етеді.
