Қазгидромет 27 cәуірге арналған ауа райы болжамын жариялайды, деп хабарлайды ҚазАқпарат.
Республика аумағының басым бөлігінде ашық, жауын-шашынсыз ауа райы күтіледі. Тек еліміздің солтүстігінде, оңтүстігінде, оңтүстік-шығысында және Жамбыл облысының таулы аудандарында жаңбыр, жауады.
ҚР бойынша желдің күшеюі, Қазақстанның оңтүстік-батысында шаңды дауыл, оңтүстік өңірлерде найзағай, дауыл соғады.
Түркістан облысының таулы, тау бөктерлі аудандарында найзағай, дауыл, жел соғып, жылдамдығы 15-20 м/с жетуі мүмкін.
Жамбыл облысының оңтүстігінде, солтүстік-шығысында, таулы аудандарында найзағай, бұршақ, таулы аудандарда желдің 15-20 м/с күшеюі күтіледі.
Күндіз Қызылорда облысының орталығында, Маңғыстау облысының оңтүстігінде, орталығында жел 15-20 м/с күшейіп, шаңды дауыл соғады.
Күндіз Солтүстік Қазақстан облысының басым бөлігінде, Қостанай облысының солтүстігінде, Батыс Қазақстан облысының оңтүстік-батысында, Атырау облысының батысында, орталығында, Алматы облысының шығысында желдің жылдамдығы 15-22 м/с жетеді.
Батыс Қазақстан облысының оңтүстігінде, Ақтөбе облысының солтүстігінде, орталығында, Павлодар облысының орталығында төтенше өрт қаупі сақталады.