Өскемен қаласының ең танымал «А.С. Пушкин» атындағы кітапхананың қызметкерлері колонияға барып, сотталғандарға тренинг жұмыстарын жүргізді.
Тренинг барысында сотталғандар сыйлыққа қызықты кітаптар алды. Сонымен қатар, тренингтен кейін сотталғандарға арналған қызықты кітаптардан шағын көрме ұйымдастырылды.
«Біз мектептерге, ұйымдарға, балалар үйлеріне үнемі барып тұрамыз. Бұл жолы сотталғандарға да осындай іс шара өткізужі жөн көрдік. Сотталғандар тренингке қызығушылықпен қатысып, көптеген сұрақтар қойды. Мұндай шараларды алдағы уақытта да жалғастыруды жоспарлап отырмыз», — деп түсіндірді кітапхана қызметкері.
