Сенат мемлекеттік бастамаларды Елбасымен келісу қажеттілігінің күшін жоюды ұсынды

Сенат депутаттары мемлекеттік бастамаларды Елбасымен келісу қажеттігінен бас тартуды ұсынды. Бұл норма «Тұңғыш Президент – Елбасы туралы» конституциялық заңда жазылған, — деп хабарлайды Tengrinews.kz тілшісі.

Сенат отырысында депутаттар «Тұңғыш Президент – Елбасы туралы» конституциялық заңға түзетулерді мақұлдады, сондай-ақ «Қауіпсіздік кеңесі туралы» және «Қазақстан халқы Ассамблеясы туралы» заңдарға бұрын Мәжілісте ұсынылған түзетулерді мақұлдады. Түзетулерге сәйкес, Елбасының Қауіпсіздік кеңесі мен Қазақстан халқы Ассамблеясына өмір бойы төрағалық ету құқығынан айыру көзделген.РЕКЛАМА

Сенаторлар өз ұсынысын қосып, заң жобасын Мәжіліске қайта қарауға қайтарды.

«Сенаторлар қауіпсіздік кеңесі мен ҚХА-ны Мемлекет басшысы лауазымы бойынша басқаруы тиіс деген заңға енгізілген түзетулерді қолдады. Сонымен қатар, Сенатта заң жобаларын қарау нәтижелері бойынша депутаттар қосымша тағы бір түзетуді ұсынды. «Тұңғыш Президент туралы» заңнан норманы алып тастау туралы шешім қабылданды, оған сәйкес мемлекеттің ішкі және сыртқы саясатының негізгі бағыттары бойынша әзірленетін бастамалар Елбасымен келісілуге тиіс. Осылайша, заңнамаға ұсынылып отырған мерзімінен бұрын өзгерістерді тұжырымдамалық мақұлдаған Сенат заң жобасын осы түзетумен Мәжіліске қайтару туралы шешім қабылдады. «Елбасы туралы» заңның қалған барлық нормалары өзгеріссіз қалады», — деп түсіндірді сенатор Ләззат Сүлеймен.

Енді бұл түзетуді Мәжіліс депутаттары қарап, қабылданған жағдайда заң жобасы Президенттің қол қоюына жіберіледі.

Мемлекет қазынасына ауыз салу елге жасалған ең ауыр қастандық – Президент 

Қасым-Жомарт Тоқаев Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық екенін айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.