Сауран ауданының полицейлерімен Түркістан облысы ПД бастығының орынбасары Бауыржан Сапар кездесу өткізді. Онда жеке құрам арасында сыбайлас жемқорлыққа жол бермеу, әдеп нормаларын сақтау, полиция стандартын қалыптастыру, сонымен қатар ҚР ІІМ-нің идеологиялық, имидждік шараларын атқару мәселелері қаралды.
Іс-шараның негізгі мақсаттарының бірі – тәртіп сақшыларын рухани-адамгершілікке тәрбиелеу және патриоттық сезімін көтеру.
Сонымен қатар полицейлерді қызмет етуге қажетті соңғы үлгідегі құрал-жабдықтармен қамтамасыз ету, барынша жағдай жасау жайттары талқыланды.
Түркістан облысы ПД баспасөз қызметі
