Санитариялық-эпидемиологиялық сараптама жүргізу тәртібі «Санитариялық-эпидемиологиялық сараптама жүргізу қағидаларын бекіту туралы» Қазақстан Республикасы Денсаулық сақтау министрінің 2020 жылғы 30 желтоқсандағы № ҚР ДСМ-334/2020 бұйрығымен бекітілген қағидалармен реттеледі.
Санитариялық-эпидемиологиялық сараптаманы (бұдан әрі — СЭС) жобалардың санитариялық-эпидемиологиялық сараптамасын қоспағанда, санитариялық-эпидемиологиялық қызмет ұйымдары санитариялық-эпидемиологиялық қызмет лауазымды адамдарының қаулылары немесе нұсқамалары, жеке немесе заңды тұлғалардың өтініштері бойынша жүргізеді
Заңды және жеке тұлғалардың өтініштері бойынша СЭС жүргізу үшін олар халықтың санитариялық-эпидемиологиялық саламаттылығы саласындағы мемлекеттік қызметті көрсету қағидаларына сәйкес қаржыландыруды қамтамасыз етеді және қажетті құжаттаманы ұсынады.
СЭС өнімдерін жүргізу үшін жеке және заңды тұлғалардың өтініштері бойынша сынамаларды іріктеуді және өлшеулер жүргізуді мемлекеттік органның мамандары жүргізеді.
СЭС жүргізу кезінде қаулылар мен нұсқамалар бойынша хаттама санитариялық-эпидемиологиялық қызметтің лауазымды адамына беріледі.
СЭС жүргізу кезінде жеке және заңды тұлғалардың өтініштері бойынша хаттама тапсырыс берушіге беріледі.
Аккредиттелген зертханалар жүргізген және (немесе) қызметтің осы түріне лицензиясы бар зерттеулер хаттамаларының қолданылу мерзімі 1 жылды құрайды.
Аккредиттелген зертханалар жүргізген және (немесе) осы қызмет түріне лицензиясы бар өлшеу хаттамаларының қолданылу мерзімі 3 жылды құрайды.
Өнімге зерттеулер хаттамасын беру өнімдерге санитариялық-эпидемиологиялық сараптама жүргізу нәтижесі болып табылады.
Санитариялық-эпидемиологиялық қорытынды беру жобаларға, объектілерге санитариялық-эпидемиологиялық сараптама жүргізу нәтижесі болып табылады.
Санитариялық-эпидемиологиялық сараптама нәтижелерімен келіспеген жағдайда, шағым халықтың санитариялық-эпидемиологиялық саламаттылығы саласындағы жоғарғы уәкілетті органға беріледі.
Спикер – Қасымхан Алпысбайұлы
Алматы қаласының санитариялық-эпидемиологиялық бақылау департаментінің басшысы — Алматы қаласының Бас мемлекеттік санитариялық дәрігері