СҚО-да балаларға улы ойыншықтар сатылған

Солтүстік Қазақстан облысында дүкендер мен базарларда құрамында фенол бар ойыншықтар сатылған. Улы қуыршақтар мен көліктерден балалар дем ала алмай, көздері қызаруы мүмкін, — деп хабарлайды Tengrinews.kz тілшісі Astanatv.kz телеарнасына сілтеме жасап.

Телеарна мәліметіне сүйенсек, көбінесе Қытайдан сапасыз, балалар үшін қауіпті тауарлар әкелінеді. СҚО-да былтыр улы фенол бар жүздеген ойыншық жойылғаны хабарланған.

«Мен ойыншықта өткір иіс барын байқадым. Оларды тез арада тастадық. Өйткені иісі жаман болғандықтан, ойыншықтарды балаларға беруден қорықтым. Арзан ойыншықтарды өте сирек аламыз. Кейін балалар зардап шекпес үшін қымбатырақ алған дұрыс», — деді Петропавл қаласының тұрғыны Наталья Некрасова.

«Алынған сынаманы зерттеу кезінде фенол концентрациясының 13 есе артқаны анықталды. Балада көздің қызаруы, ауыз және мұрын шырышты қабығының қабынуы болады. Ұзақ уақыт ойнаған кезде балада дем алу қиындайды», — дейді СҚО санитарлық-эпидемиологиялық бақылау департаментінің техникалық регламенттер талаптарын бақылау бөлімінің басшысы Данияр Оспанов.

Сарапшылар ойыншықты сатып алмас бұрын мұқият тексеруді ұсынады. Өнімнің толық сипаттамасы болуы керек. Зиян қоспалар нормадан асса бала улануы мүмкін. Ата-аналар сатушылардан өнім сертификаттарын талап ете алады. Данияр Оспанов сатып алу алдында ойыншықтың иісіне мән беруді ұсынды.

«Егер ол улы болса, онда ол бу шығарады және ол сезіледі. Фенол қосылған ойыншықтар аз уақыттан кейін жағымды, тәтті иіс шығарады», — деп қосты Оспанов

Телеарна мәліметіне сүйенсек, 1 шілдеден бастап ЕАЭО елдерінде шетелдік онлайн-сатушылар ойыншықтар қауіпсіздігін құжатпен растауы қажет. Егер анықтама болмаса, тауарды сатуға рұқсат етілмейді.

Таяу Шығыс: Сирияда миллиондаған адам үйлеріне оралды

Сирияда ұзақ жылдарға созылған қақтығыстардан кейін ел тұрғындарының бір...

АҚШ, Қытай және Ресей басшылары маңызды кездесу өткізуге дайындалуда

2026 жылғы 17 қарашадағы маңызды халықаралық жаңалықтардың бірі —...

Сот-заңнамалық реформалар тәуелсіздікті арттырады

Сот төрелігін, сондай-ақ, заңдарды жетілдіру заман талабы. Өйткені, бұлар...

Кәсіби этика сыбайлас жемқорлыққа жол бермейді

Ел Конституциясы адамға бағдарланған мемлекет қағидатына негізделген, сондықтан, мемлекеттік...

Впервые разработан законопроект с помощью ИИ-платформы AI-Quryltai

Проект нового закона «О цифровой и информационной безопасности детей»...