Ағымдағы жылғы 20 қыркүйекте СҚО бойынша ҚАЖ Департаментінің және ведомстволық бағынысты мекемелердің жеке құрамы үшін сыбайлас жемқорлыққа қарсы іс-қимыл жөніндегі уәкілетті органдардың өкілдерін шақырумен семинар өтті. Талқылаудың негізгі тақырыбы Қазақстан Республикасы Президентінің 2022 жылғы 2 ақпандағы № 802 «Қазақстан Республикасында сыбайлас жемқорлыққа қарсы саясаттың 2022 — 2026 жылдарға арналған тұжырымдамасын бекіту туралы» жарлығы, сондай-ақ сыбайлас жемқорлық көріністерінің профилактикасы және алдын алу мәселелері болды.
Семинарға спикер ретінде Солтүстік Қазақстан облысы бойынша Сыбайлас жемқорлыққа қарсы іс-қимыл ұлттық бюросы (Сыбайлас жемқорлыққа қарсы қызмет) Департаментінің өкілі Светлана Николаевна Зайцева шақырылды.
Дәріс барысында тұжырымдаманың үш негізгі тақырыбы қозғалды, атап айтқанда олар: сыбайлас жемқорлыққа төзбеушілікті қалыптастыру, сыбайлас жемқорлық мүмкіндіктерін жою және жауапкершіліктің бұлтартпастығын қамтамасыз ету жөніндегі шараларды жетілдіру. Светлана Зайцева қазіргі уақытта сыбайлас жемқорлықтың ең көп таралған түрі- тұрмыстық қатынастар саласында жасалатынын тұрмыстық сыбайлас жемқорлық екенін атап өтті.
Сондай-ақ, спикер презентация мен бейнематериалдар арқылы сыбайлас жемқорлыққа қарсы саясатты жүзеге асыру кезеңдерін көрнекі түрде көрсетті.
«Халықтың қалың жігінің құқықтық насихатын күшейту арқылы халықтың құқықтық санасы мен құқықтық сауаттылығы деңгейін арттыру қажет, өйткені пара беретін адамдардың көпшілігі аталған құқық бұзушылық жасау кезінде өз құқықтары мен жауапкершілігі туралы ақпаратты жеткілікті дәрежеде білмейді», — деп атап өтті Светлана Зайцева.
Департамент басшылығы мен семинарға қатысушылар С.Н.Зайцеваға ұсынылған ақпарат және қызықтырған сұрақтарға толық жауаптар үшін, ал спикер өз кезегінде қатысушыларға сындарлы және жемісті өзара іс-қимыл үшін алғысын білдірді.
