25 қазан – Республика күні. Бұл күн – еліміздің тарихындағы ерекше, маңызды мерекелердің бірі. 1990 жылы дәл осы күні Қазақстан өзінің Мемлекеттік егемендігі туралы Декларацияны қабылдады. Бұл оқиға – тәуелсіздікке бастар алғашқы қадам болды.
Республика күнінің 35 жыл болуына орай КМҚК «№84 Бөбекжай-балабақшасы» ересек «Медеу» топ балалары бұл мерекені үлкен қуанышпен қарсы алып атап өтті. Балалар Отан, туған жер, Ту мен Елтаңба туралы тақпақтар айтып, би билеп, ән шырқап өнерлерін көрсетті.
Мерекелік іс-шара барысында тәрбиешілері Дюсембиева Г.А., Төлепберген Ұ.Қ. балаларға еліміздің тарихы мен тәуелсіздік мәнін түсіндірді. Балалар «Менің Қазақстаным», «Отан – отбасынан басталады» сияқты ойындарда белсенді қатысты.
Республика күні – әрбір қазақстандықтың жүрегінде отансүйгіштік сезімін оятатын мереке. Бұл күнде біз бірліктің, бейбітшіліктің және тәуелсіздіктің қадірін ұғынамыз.
