Қытайдың кеден органдары Ресейден әкелінген өнімдердің үлгілері мен олардың сыртқы қаптарынан коронавирус тапты.
РИА Новости хабарлағандай, вирустың бары анықталған соң Қытай билігі ресейлік жүктері бар екі кеменің импорттық декларацияларын қабылдауды төрт аптаға шегертіп тастады.
Негізі кемелер Қытайға балық өнімдерін жеткізуі керек еді.
Еске салсақ, бұған дейін Қытайдың Чанчунь қаласында Ресейден әкелінген мұздатылған теңіз өнімдерінің пакетінен коронавирус табылғаны хабарланған болатын. Жергілікті Ауруларды бақылау және алдын алу орталығы инфекцияның барын растады. Билік қаппен жұмыс істеп, бақылағандардың бәрін анықтап, дәрігерлердің бақылауына алды.
