Ресей мен Украина арасындағы келіссөздердің екінші кезеңі 2 наурызда кешке өтеді. Бұл туралы «Суспильный» басылымына президент кеңсесі басшысының кеңесшісі Алексей Арестович айтты, — деп хабарлайды Tengrinews.kz тілшісі.
«Келіссөздер бүгін кешке өтеді. Бұл екінші кезең болады. Менің ойымша, бәрі бұрынғыдай қалады. Ештеңе өзгермейді. Біз өз дегенімізде тұрамыз. Құрам да сондай», — деді ол.
Украинаның сыртқы істер министрі Дмитрий Кулебаның айтуынша, Украина мен Ресей өкілдерінің алғашқы кездесуінде ресейліктердің талаптары өзгеріссіз қалған. Ол — Путин Украинадағы оқиғалар басталғанға дейін айтқан талаптар.
«Қазір келіссөздерге, дипломатияға дайынбыз, бірақ ешқашан ресейлік ультиматумды құптамаймыз», — деді министр.
