Қайырымдылық – адамгершіліктің ең ізгі көріністерінің бірі. Қызылорда облысы бойынша ҚАЖ департаментінің №68 мекемесінің ұжымы бұл игі істі өздерінің дәстүріне айналдырған. Бүгін мекеме қызметкерлері көмекке мұқтаж екі отбасыға азық-түлік түрінде қайырымдылық көмек көрсетті.
– Қайырымдылық жасау үшін бай болу міндетті емес, ең бастысы – жүректегі мейірімділік пен жанашырлық. Біз мекеме ұжымы ретінде бұл игі істі тұрақты түрде жалғастырып келеміз және алдағы уақытта да көмек көрсету дәстүрін жалғастырамыз, – дейді кадр саясаты тобының аға инспекторы Шахи Динара.
Қызметкерлердің бастамасы – қоғамдағы ізгілік пен жанашырлықты насихаттаудың жарқын үлгісі. Олар мұндай игі істердің адамдар арасындағы бірлік пен өзара қолдауды нығайта түсетініне сенімді. Қайырымдылық шарасы алдағы уақытта да жалғасын таппақ.
