Қызылорда қалалық пробация қызметінің ұйымдастыруымен 4 аймақтық учаскелік пунктте пробация есебіндегі азаматтарды қайта әлеуметтендіру және қылмыстың қайталануын болдырмау мақсатында ауқымды профилактикалық іс-шара өтті. Оған аймақтық пробация инспекторы Н. Қыдырбекқызы, Қылмыстық жазасын өтеген азаматтарды әлеуметтік оңалту орталығының заңгері Ғ. Оразбеков және Жергілікті полиция қызметінің учаскелік полиция инспекторы, майор Р. Бодықов қатысты.
Түсіндірме жұмыстары барысында сотталған азаматтарға бостандыққа шыққаннан кейінгі өмірлерін қалыпқа келтіру жолдары туралы кеңестер берілді. Әлеуметтік оңалту орталығының заңгері Ғ. Оразбеков сотталғандардың құқықтары мен әлеуметтік бағдарламаларға қолжетімділігін түсіндіріп, қажетті құжаттарды ресімдеу, медициналық көмек алу және тұрғын үй мәселесін шешу жолдары туралы ақпаратпен бөлісті.
Сонымен қоса жұмыссыз сотталған азаматтарға бос жұмыс орындары, жұмыспен қамту орталықтарының қызметтері және мемлекеттік бағдарламалардың мүмкіндіктері таныстырылды. Пробация қызметі жергілікті атқарушы органдармен бірлесе отырып, сотталған азаматтарды тұрақты жұмыспен қамтамасыз етуге ерекше назар аударып келеді.
Ал учаскелік полиция инспекторы Р. Бодықов сотталғандарға құқықтық тәртіптің маңыздылығын және қайталама қылмыстың салдарын түсіндірді. Кездесу соңында азаматтарға қоғамдық тәртіпті сақтау және құқық бұзушылықтарға жол бермеу бойынша нақты кеңестер берілді.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
