Қызылорда қалалық пробация қызметі Қызылорда қалалық прокуратурасы және жергілікті полиция қызметінің инспекторларымен бірлесіп, пробация есебінде тұрған сотталғандарды тексеру мақсатында ауқымды іс-шара бастады. Тексеру шарасы 2025 жылдың 24 қаңтарынан бастап барлық аймақтар бойынша жүргізілуде.
Іс-шараның басты мақсаты – сотталғандардың сотпен жүктелген міндеттерін орындауын қадағалау және олардың тұрғылықты мекенжайлары бойынша тіркелгенін тексеру. Пробация есебіндегі 100 сотталғанның мекенжайы тексерілді. 1 сотталған соттың жүктеген міндеттерін орындамағаны үшін Әкімшілік құқық бұзушылық туралы кодекстің 669-бабының 1-бөлігі бойынша жауапкершілікке тартылды. Ал 5 сотталғанның тұрғылықты мекенжайда тіркеуде болмауына байланысты ӘҚБтК-нің 492-бабы бойынша әкімшілік жауапкершілікке тарту шаралары қабылданды. 6 сотталғанға алдағы уақытта тіркеуге тұру қажеттігі ескертілді.
Сотталғандарға жаза өтеу тәртібі мен міндеттері туралы түсіндірме жұмыстары жүргізіліп, қайталама құқық бұзушылықтардың алдын алу бойынша шаралар қолға алынды.
Пробация қызметінің сотталғандарды қадағалау және олардың әлеуметтік қайта бейімделуіне көмектесу бағытындағы жұмыстары жалғасатын болады.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
