Қоғамдық тәртіпті қамтамасыз ету, вокзалдарда және жолаушылар поездарында қоғамдық орындарда қылмыстың алдын алу, жолын кесу мақсатында Көліктегі Полиция департаменті Түрксіб ст. ЖПб ағымдағы жылдың 20-30 маусым аралығында «Құқықтық тәртіп» жедел профилактикалық іс-шарасын өткізеді.
Тәртіп сақшылары, әкімшілік учаскелерімен жолаушы поездарының аумақтарын патрульдеп сондай-ақ, елде болу ережелерін бұзған шетелдіктерді анықтау, есепке алынған адамдарды бақылау, тыйым салынған заттарды заңсыз сақтаған немесе тасымалдаған адамдарды тексеру және ұстау бойынша жұмыс жүргізіледі.
Іс-шара аясында полицейлер әкімшілік құқық бұзушылықтарға «мүлдем төзбеушілік» қағидатын негізге алады.
Түрксіб ст.ЖПб-нің қызмет көрсету аумағындағы барлық азаматтарын құқық бұзушылыққа тап болған жағдайда «102» жедел арнасына дереу хабарлауға шақырады.
Түрксіб ст.ЖПб бастығы полиция полковнигі Е. Абдраманов
