Білім – кез келген елдің болашағын айқындайтын басты құндылық. Қоғамның дамуы мен өркендеуі жоғары оқу орындарындағы білім беру сапасына тікелей байланысты. Сондықтан жоғары оқу орнында сапалы білім беру – тек оқу орнының ғана емес, бүкіл ұлттың стратегиялық міндеті.
Сапалы білім – бұл тек білім беру бағдарламасының мазмұны ғана емес, ол студенттің тұлға ретінде қалыптасуына ықпал ететін жан-жақты үрдіс. Білім беру сапасы:
•Заманауи технологияларды қолдану,
•Әлемдік стандарттарға сәйкес оқу бағдарламаларын жасау,
•Практикалық дағдыларды игерту,
•Ғылыми-зерттеу жұмыстарын жетілдіру арқылы қамтамасыз етіледі.Бүгінгі жаһандану дәуірінде еңбек нарығы білім деңгейі жоғары, өз саласында білікті мамандарды талап етеді.БҰҰ-ның бастауымен алғаш рет «тұрақты даму» концепциясы ұсынылды. «Тұрақты даму мақсаттары» – қазіргі уақыттың қажеттілігін қамтамасыз ете отырып, болашақ ұрпақтардың өзінің қажеттіліктерін қамтамасыз етуіне қауіп туғызбайтын даму.Тұрақты даму мақсаттары концепциясының 4 бөлімі -сапалы білім. Әл-Фараби атындағы ҚазҰУ заң факультетінің кеден, қаржы және экологиялық құқық кафедрасының оқытушылары білім алушыларға кәсіби құзыреттілігін дамытуға,халықаралық тәжірибені меңгеруге,жаңа идеялар мен инновацияларды енгізуге басымдық беруге аянбай еңбек етеді.
Сапалы білім – қоғамның тұрақты дамуының негізі. Жоғары оқу орындарындағы білім беру сапасын арттыру – еліміздің болашағына салынған инвестиция. Бұл міндетті орындау үшін әрбір оқытушы, студент және басшылық құрам бірлесіп жұмыс істеуі қажет. Болашақ ұрпақтың бәсекеге қабілеттілігі мен табыстылығы – біздің бүгінгі еңбегімізге байланысты. Әл-Фараби атындағы ҚазҰУ – Қазақстандағы ең беделді оқу орындарының бірі. Соңғы уақытта университет өз дамуын жалғастырып, жоғары сапалы білім мен ғылыми зерттеулерге ұмтылып, сонымен қатар студенттер мен оқытушылардың жұмыс жасауына қолайлы жағдай тудыруда. ҚазҰУ дәстүр сабақтастығын сақтай отырып, заманға сай жаңғыруда. Студенттердің алаңсыз білім алуына барлық жағдай жасалған. Білімі мен ғылымы дамыған ел қашан да бәсекеге қабілетті. Себебі сапалы білім – еліміздің болашағы. Елімізде де білім беру жүйесі санға ғана емес, сапаға негіздеу – бүгінгі күннің басты талабы. Саналы да сапалы ұрпақ тәрбиелеу арқылы ғана биікке шығатынымызды ескерсек, бұл мәселе ұдайы назарда болуы тиіс. Мемлекет басшысы Қасым-Жомарт Тоқаев өз Жолдауында «Еліміздің барлық азаматы, әсіресе жастар мұны жақсы түсінуі керек және реформалардан шет қалмағаны абзал. Бүгінгі жас ұрпақ жаңғыру үдерістеріне атсалысып, елімізде жүргізіліп жатқан реформалардың игілігін толық сезінуі қажет. Дарынды, талапты және еңбекқор жастар, оның ішінде ғалымдар – заманауи Қазақстанның жарқын келбеті. Сапалы білім – тек жеке адамның емес, тұтас ұлттың табысты болашағын қамтамасыз ететін маңызды фактор.
Рашева Г.К
әл-Фараби атындағы ҚазҰУ-дың заң факультеті кеден, қаржы және экологиялық құқық кафедрасының оқытушысы
Го Х
әл-Фараби атындағы ҚазҰУ-дың заң факультеті кеден, қаржы және экологиялық құқық кафедрасының білім алушысы
