Әл-Фараби атындағы Қазақ ұлттық университеті еліміздегі жетекші жоғары оқу орны ретінде сапалы білім беру саласында айтарлықтай жетістіктерге қол жеткізуде. Қазіргі таңда университеттің басты мақсаты — студенттерге терең білім мен кәсіби дағдыларды меңгерту арқылы олардың әлемдік еңбек нарығында бәсекеге қабілетті болуын қамтамасыз ету. БҰҰ-ның бастауымен алғаш рет «тұрақты даму» концепциясы ұсынылды. «Тұрақты даму мақсаттары» – қазіргі уақыттың қажеттілігін қамтамасыз ете отырып, болашақ ұрпақтардың өзінің қажеттіліктерін қамтамасыз етуіне қауіп туғызбайтын даму.Тұрақты даму мақсаттары концепциясының 4 бөлімі -сапалы білім екенін алға тарта отыра, оқу ордамыздың сапалы білім беру ұстанымы елдің әлеуметтік-экономикалық дамуына үлес қосу және халықаралық аренада Қазақстанның ғылыми және білім беру саласының мәртебесін көтеру үшін маңызды рөл атқарады. Сапалы білім беру-кез келген қоғамның тұрақты дамуының негізі. Оқу ордамыздабілім беру процесінің басты мақсаты-студенттерді тек теориялық біліммен ғана емес, сонымен қатар практикалық дағдылармен қамтамасыз ету, оларды өзекті және инновациялық мәселелерді шешуге дайын болуға үйрету. Қазіргі заманғы білім беру жүйесі тек кітаптар мен дәрістермен шектелмей, заманауи технологияларды, әдістемелерді және халықаралық тәжірибені пайдалану арқылы жоғары деңгейде білім беруді көздейді. ҚазҰУ-дың білім беру сапасының жоғары болуы оның оқу бағдарламаларының кең ауқымдылығымен және әртүрлі салалардағы тәжірибелі оқытушылар мен ғалымдардың қолдауымен қамтамасыз етіледі. Бұл университеттің білім беру саласындағы беделін арттырады және оның түлектерін әлемнің кез келген түкпірінде сұранысқа ие етеді.Қара шаңырақта сапалы білім беру мақсатында бірқатар ерекшеліктер мен инновациялар енгізілген. Бұл университеттің білім беру үрдісін заманауи талаптарға сай жасауға мүмкіндік береді. Білім беру жүйесінде көптеген халықаралық стандарттарға сәйкес келеді. Университеттің оқу бағдарламалары мен ғылыми жобалары жоғары халықаралық рейтингтерге сәйкес келеді.
ҚазҰУ білім беру саласында үлкен жетістіктерге жеткен университет болып табылады. Осы жетістіктерге заң факультеті кеден, қаржы және экологиялық құқық кафедрасы да өз үлесін қосуда.Кафедрада сабақ беретін оқытушылар мен ғалымдар әлемдік деңгейде танымал мамандар, олардың тәжірибесі мен білімі студенттердің кәсіби дамуына үлкен әсер етеді. Оқытушылар тек білім берумен шектелмей, студенттерді ғылыми зерттеулер мен кәсіби жобаларға да тартады, студенттердің кәсіби дамуына бар күш-жігерін арнауда.Кафедра халықаралық деңгейде көптеген жоғары оқу орындарымен және ғылыми орталықтармен тығыз байланыста жұмыс істейді. Бұл студенттерге әлемдік тәжірибені меңгеру мүмкіндігін береді және олардың білімін жаһандық деңгейде дамытуға мүмкіндік жасайды. Оқу үдерісінде инновациялық технологияларды қолдану арқылы сапалы білім беруді қамтамасыз етеді. Онлайн курстар, сандық оқулықтар, ғылыми жобалар мен зертханалық жұмыстар студенттердің білімін тереңдетуге мүмкіндік береді. Мұның бәрі білім беру сапасын арттырып, білімді әлемдік стандарттарға сай ететін тиімді құралдар екенін алға тартқым келеді. ҚазҰУ-да сапалы білім беру — тек білім алудың негізі ғана емес, болашақ маманның кәсіби және жеке дамуының маңызды құралы. Университеттің білім беру саясаты студенттердің әлемдік еңбек нарығында бәсекеге қабілетті болуына, ғылыми-зерттеу жұмыстарын жүргізуге және өз саласында көшбасшы болуға мүмкіндік береді. ҚазҰУ-дың сапалы білім беру бағытындағы жұмысын одан әрі дамыту, инновациялық технологияларды енгізу және халықаралық стандарттарға сай оқу бағдарламаларын ұсыну — болашақта Қазақстанның білім беру саласындағы көшбасшылық орнын нығайтуға үлес қосатын негізгі қадамдар болып табылады.
Қожабек Қ.М.
Әль-Фараби атындағы ҚазҰУ-дың заң факультеті кеден, қаржы және экологиялық құқық кафедрасының заң ғылымдарының PhD докторы, аға оқытушысы
