ҚАЖ қызметкерлері саптық тексерістен өтті

Қызылорда облысы бойынша қылмыстық-атқару жүйесі департаментінің №60 мекемесінде жеке құрам қызметкерлері саптық тексерістен өткізілді. Саптық тексеріс барысында мекеме қызметкерлерінің сыртқы келбеті жинақы, таза әрі ұқыпты және нысандық киім үлгісінің талапқа сай болуына баса назар аударылды. Сондай-ақ дабыл сөмкесі мен қызметтік куәліктерінің жарамдылық мерзімі, лауазымы мен арнайы атағының сай болуын мұқият тексерілді. Анықталған елеусіз кемшіліктерді жою бойынша тиісті тапсырма берілді.