Көктемнің алғашқы айы қазақстандықтарды қосымша демалыс күндерімен қуантады. Наурызда қазақстандықтар көктемнің ең маңызды мерекесі Наурыз мейрамын тойлайды. Биыл мереке күндері демалыс күндеріне сәйкес келетіндіктен, аптасына бес күн жұмыс істейтін қазақстандықтар бес күн қатырынан демалады, — деп хабарлайды Tengrinews.kz тілшісі.
Наурыз — жылдың басты мерекелерінің бірі. 2025 жылы мереке күндері жұма, сенбі және жексенбіге сәйкес келеді, сондықтан демалыс күндері 24 және 25 наурызға (дүйсенбі және сейсенбі) ауыстырылады.
- бес күндік жұмыс аптасы үшін 21-25 наурызды қоса алғанда бес күн қатарынан демалыс;
- алты күндік жұмыс аптасы үшін демалыс күндері 21, 22, 23 және 24 наурыз болады, ал сейсенбі, 25 наурызда жұмысқа шығады.
