Энергетика министрі Алмасадам Сәтқалиев тағы бір мұнай өңдеу зауытын салу жоспары туралы пікір білдірді, — деп хабарлайды Tengrinews.kz тілшісі.
Министр жаңа МӨЗ-дің қай жерде пайда болуы мүмкін екенін де айтты.
«2030 жылдан кейін төртінші мұнай өңдеу зауытын салу жоспарда бар. Әрине, МӨЗ салу туралы түпкілікті шешімге алдын ала факторлар әсер етеді. Көліктерді электрлендіру қарқыны, тұтыну деңгейі және экспорттық мүмкіндіктеріміз маңызды. Біз өнімнің бір бөлігін экспортқа шығаруды жоспарлап отырмыз. Бұл жай ғана мұнай өңдеу зауыты емес, толыққанды газ-химиялық кешен болады. Алдын ала қарастырылып отырған алаң – Батыс Қазақстан», – деді Сәтқалиев Мәжілістегі брифингте.
