ІІМ Қылмыстық-атқару жүйесі комитеті (ҚАЖК) төрағасының орынбасары Жәнібек Баймағанбетов бір сотталушыға жұмсалатын соманы айтты, — деп хабарлайды Tengrinews.kz тілшісі.
Қылмыстық-атқару жүйесі төрағасының орынбасарының айтуынша, бір сотталушыны асырау ел бюджетіне тәулігіне 7500 теңге болады. Сәйкесінше, 30 мың сотталушыға бюджеттен күніне 225 миллион теңге жұмсалады.
ОКҚ брифингінде ҚАЖК төрағасы Теңізжан Жәнібеков бүгінде Қазақстанның пенитенциарлық мекемелерінде 30 мыңнан астам сотталушы жазасын өтеп жатқанын, оның ішінде 2 мыңнан аса әйел жазасын өтеп жатқанын хабарлады. Тергеу изоляторларында (УҰИ) 7 мыңнан астам адам қамауда.
