Өскемен қаласының әкімшілік құқық бұзушылықтар жөніндегі мамандандырылған сотында ӘҚБК-нің 496 бабы 2 бөлігі Қазақстан Республикасының заңнамасында белгіленген мерзімдерде шетел азаматтығын алу фактісін хабарламаубойынша Ресей Федерациясының азаматы Л-ға қатысты әкімшілік құқық бұзушылық іс қаралды.
Сот отырысында анықталғаны, 27 қаңтар 2025 жылы Өскемен қаласында көші-қон полициясы бөлімінде Қазақстан Рнспубликасының азаматы бола отырып, 2024 жылы 3 желтоқсанда Ресей Федерациясының азаматтығын алған, шетел азаматтығын алу фактісі туралы күнтізбелік отыз күн ішінде хабарламаған, төлқұжат және жеке куәлікті тапсырмаған қос азаматтығы бар Ресей Федерациясының азаматы Л. Қазақстан Республикасының ішкі істер органдарына немесе шет елдер мекемелеріне тапсырмаған.
Сотта азамат Л. кінәсін мойындады, жасаған ісіне өкініп, уәкілетті органдарға Ресей Федерациясының азаматтығын алу туралы хабарлау мақсатында Қазақстан Республикасына келгенін, бірақ мерзімінде үлгермегенін түсіндірді. Оның құқық бұзушылық жасау ниеті болған жоқ.
28 қаңтар 2025 жылы сот қаулысымен Л. әкімшілік құқық бұзушылық туралы Кодексінің 496 бабының 2 бөлігімен кінәлі деп танылып, мемлекеттік бюджетке 550480 теңге көлемінде әкімшілік айыппұл салынды.
Соттың қаулысы заңды күшіне енді.
Өскемен қаласының әкімшілік
құқық бұзушылықтар жөніндегі
мамандандырылған соты
әкімшісінің басшысы Ш.А.Ислямова
