«Қақпа алдындағы кездесу»

Абай облысындағы Қылмыстық атқару жүйесінің №21 мекемесінде «Қақпа алдындағы кездесу» әлеуметтік жобасы жүзеге асырылды.
Қарашаның 22-сі Семей қаласындағы қауіпсіздігі барынша төмен мекемесінен сотталғандар «Р» және «Н» бостандыққа шықты. «Қақпа алдындағы кездесу» әлеуметтік жобасы аясында сотталғандарды жақындарымен достары күтіп алды.
Сонымен қатар кездесуге Семей қаласындағы Жұмыспен қамту орталығының өкілі келіп, босатылғандарға одан әрі жұмысқа калай орналасуға болатындығын түсіндіріп, көмек көрсетілді.
Бұндай әлеуметтік жоба әр тоқсан сайын өткізіледі және жалпы түрмедегілерді әлеуметтендіруге үлкен үлес қосуда. Мұндай іс-шаралардың мақсаты – сотталғандардың қоғамға бейімделуіне, ұзақ жылдар түрмеде отырып, жұмыс тауып, дұрыс жол таңдауына көмектесу.