Алматы және Жетісу облыстары бойынша ҚАЖ Департаментінің бастамасымен, Кеген, Райымбек және Ұйғыр аудандық пробация бөлімдерінің есебінде тұрған сотталғандар арасында волейболдан ауданаралық жарыс өткізілді.
Жарыстың өткізілуіне Кеген аудандық дене шынықтыру және спортты дамыту орталығы қолдау көрсетіп, салтанатты ашылуына қатысты.
Ауданаралық іс-шара қонағы ретінде Кеген аудандық прокуратураның прокуроры Абай Темірғалиұлы, сонымен қатар Кеген, Ұйғыр және Райымбек аудандарының пробация бөлім қызметкерлері шақырылды.
Жарыстың қорытындысы бойынша 1-орын Кеген ауданының командасы, 2-орын Ұйғыр ауданының командасы, 3-орынды Райымбек ауданының сотталғандар командасы иеленді.
Жарыс жеңімпаздары мен жүлдегерлерін Дене шынықтыруды және спортты дамыту орталығының арнайы дипломдарымен, медальдарымен және кубоктарымен марапаттады.
