Қазақстанда пробация есебінде тұрған және жазасы кейінге қалдырылған адамдарға ерекше жағдай жасалуда. Олардың қателігін түзеп, жаңа өмір бастауына отбасылық қолдау мен қоғамның сенімі ауадай қажет.
Әсіресе, кәмелеттік жасқа толмаған сотталғандармен жұмыс ерекше. Оларға оқуын жалғастыруға, мамандық алуға, спортпен және өнермен айналысуға мүмкіндік беріледі. Пробация қызметкерлері мектептермен, колледждермен, жастар ұйымдарымен тығыз байланыста жұмыс істеп, жасөспірімдердің дұрыс жолға түсуіне көмектеседі.
Ең бастысы – отбасының қолдауы. Жақындарының қамқорлығы азаматтың болашағына сенім береді, ал пробация қызметінің көмегі оның қоғамға қайта оралуына жол ашады.
Жамбыл облысы бойынша ҚАЖД Тараз қалалық 1 пробация қызметі аға инспекторы әділет капитаны А.К. Бекдилдаева
