Бөрлі ауданының аумағында қараша айында аудандық полиция бөлімінің қызметкерлерімен бірлесіп қоғамнан оқшауланбаған жазасын өтеп жүрген сотталғандар тарапынан құқық бұзушылықтың алдын алып ескерту және қайта қылмыстың жасалуын болдырмау мақсатында «Пробация» жедел-профилактикалық іс- шарасы өткізілді.
Осы шараны өткізу барысында есепте тұратын адамдарды тұрғылықты мекен жайы және жұмыс орындары бойынша тексерісті жүзеге асырды. Сондай-ақ, Бөрлі ауданы ПБ-нің учаскелік полиция инспекторларымен бірге Ақсай қаласында орналасқан көңіл көтеру орындары да тексерілді. Іс- шара нәтижесінде 6 бұзушылық фактісі анықталды, бас бостандығын шектеу жазасының өтелмеген бөлігін бас бостандығынан айыру жазасына ауыстыру туралы 2 материал аудандық соттың қарауына жолданды.
