Жастар ресустық орталығының мәжіліс залында «NEET» санатындағы жастар арасында «Тұлғалық және кәсіби жетістікке жету» тақырыбында семинар- тренинг өтті.
Тренингке қалалық пробация есебіндегі жастар да қатысты.
Тренингке Қазақстан Республикасы президенті жанындағы мемлекеттік басқару академиясының Қызылорда облысы бойынша филиалының доценті, психолог маманы, Аяғанова Алмагүл Жанділдақызы және Дін мәселелерін зерттеу орталығының психолог маманы Қарлығаш Балтабайқызы жастарды түрлі психологиялық жаттығуларға тарта отырып, оларды мақсат қоя білуге, жаңашыл, іздемпаз болуға үйретіп, тиімді ақпараттармен бөлісті.
«Бүгінгі семинар-тренингтен көп ой түйдім. Кез келген адам өмірде табысқа, жетістікке жеткісі келеді. Өз-өзіне сенімді болу, кедергілерден мойымау, жоспар құруды үйреніп, тың ақпарат алдым. Алдағы уақытта қоғамға пайдалы іс жүргізіп, өз жоспарымды жүзеге асыратын боламын»,- деді есептегі азамат.
Дана Достанова
Қызылорда облысы бойынша ҚАЖД
