Ұлы Жеңістің 77 жылдық мерекесіне орай Шиелі аудандық прокуратурасының бастамасымен аудандық жастар ресурстық орталығы және пробация қызметінің ұйымдастыруымен спорт клубында бас бостандығынан айыру орындарынан босатылғандар және пробация қызметінің есебіндегі азаматтар арасында кіші футбол және қол күрестен жарыс өткізілді.
Кіші футболдан жарысқа «Нұрдаулет», «Гигант» және «Ауылдастар» командалары қатысты. Білек күшінің мығымдылығын анықтайтын қол күрес жарысына пробация есебіндегі 18 сотталған қатысты. Жарыс нәтижесімен білегі ең мықты екендігін дәлелдеген Д., есімді азамат қарсыластарының барлығын жеңіп, бірінші орын алды. Ал кіші футболдан «Ауылдастар» командасы бірінші орын алса, «Нұрдаулет», «Гигант» командалары екінші ,үшінші орынды өзара бөлісті.
Жарыс соңында жеңген командалар мен жеңімпаздар алғыс хаттармен марапатталды.
Қызылорда облысы бойынша ҚАЖД
