Қызылорда облысы қоғамдық даму басқармасының «Дін мәселелерін зерттеу орталығы» КММ-нің Арал ауданы бойынша бөлімше меңгерушісі дінтанушы Жәнібек Өтегенов аудандық пробация есебіндегі сотталғандарды жеке қабылдап, ақпараттық- жұмыстарын өткізді. Кездесу «Деструктивті діни ағымдардың алдын алу» тақырыбында өтті.
Кездесуді ұйымдастырудағы мақсат- пробация есебіндегі сотталған азаматтарға жалған діни ағымдарды дәстүрлі діндерден қалай ажыратуға болатындығы жөнінде және деструктивті діни ағымдардың ерекшеліктері туралы дәріс беру.
Шара аясында сотталғандарға теріс ағымдар және қандай жолдармен адамдардың қателесетіні жөнінде ақпарат берілді. Қатысушылар өздерінің көкейінде жүрген әртүрлі сұрақтарды қойып, қажетті мағлұматтарға қанығып, бойларына рухани әсер алды.
«Дінтанушы маманның жеке қабылдауында болып, дәріс тыңдай отыра көптеген діни сауаттылығымызды кеңейте алдық. Себебі, маман өзге діни ағымдардың басты ерекшеліктері туралы ашып түсіндірді. Өте маңызды тақырыптағы дәріс болғандықтан мұқият тыңдап, көптеген мәліметтер алдым»,- деді есептегі азамат.
Дана Достанова
Қызылорда облысы бойынша ҚАЖД
