Президент Қасым-Жомарт Тоқаев Алматы облысы неге екіге бөлінгенін түсіндірді, — деп хабарлайды Tengrinews.kz тілшісі.
Жетісу өңірінің жұртшылығымен кездесуінде Президент бұрынғы Алматы облысының жер көлемі тіпті үлкен болғанын айтты.
«Біз жергілікті басқару ісін жетілдіру үшін облысты екіге бөлдік. Бұл – мұқият ойланып жасалған қадам. Себебі, бұл, ең алдымен, тұрғындар үшін қолайлы екені анық.
Қазір Жетісудың әлеуметтік-экономикалық қуатын арттыруға бюджеттен қаржы бөлініп, қолдау көрсетіліп жатыр. Бұл шешім аймаққа инвестиция тартуға, инфрақұрылымды жақсартуға ықпал етеді. Біздің басты мақсатымыз да – осы», — деді Мемлекет басшысы.
